'Kantu eta Hitza' zikloaren barruan, Anari-ren kontzertua: 'Irla izan'. Sarrera doan.
Anari Alberdi Azkoitiko abeslari, pianojotzaile,
konpositore eta ekoizle gipuzkoarra
Psych Out taldean hasi zen
musikaren munduan, bateria jotzen,
eta 1997. urtean atera zuen bakarkako
lehen diskoa. Hainbat taldetako
musikariak lagun, 6 disko kaleratu ditu
guztira –horietako bat Petti musikari
nafarrarekin elkarlanean–, eta dendenek
jaso dituzte kritikaren laudorioak:
Habiak, haren bigarren diskoa,
Espainian XX. mendean kaleratu diren
disko hoberenen zerrendan sartu zuen
Rockdelux aldizkariak. Hainbatek, bestalde,
PJ Harveyrekin (PJ Harvey euskalduna
deitu diote Anariri), Cat Powerekin
edo Nick Caverekin parekatu izan
dute. Abestien letrek Hans Magnus
Enzensberger, Eduardo Galeano edo
Ruper Ordorikaren testuak hartzen
dituzte inspirazio-iturri.
2007. urtean, Bidehuts diskoetxea sortu
zuen, Inoren Ero ni eta Lisabö taldeetako
hainbat kiderekin. Aipatu diskoetxean
argitaratu du, hain zuzen, Irla
izan lana, zeina Espainiako disko hoberenen
zerrendan sartu baita. Irla izan
diskoan inoizko Anari suharrena eta
ausartena topatu dugu. Aipatu lanean,
Thalia Zedeken edo Nick Caveren eraginak
antzeman daitezke, bai eta Dylanen
kanta batzuenak ere, eta erritmoak,
oro har ertaina bada ere, goia jotzen
du abestien bukaeran.
FITXA ARTISTIKOA
Anari Alberdi
AHOTSA ETA GITARRA
Joaquin Pascual
SINTETIZADOREAK ETA PIANOA
Borja Iglesias
GITARRA
Mikel Abrego
BATERIA
Xabier Olazabal “Drake”
BAXUA
Maite Arroitajauregi
BIOLONTXELO
Txap
GITARRA
Beñardo Goietxe
