'Kantu eta Hitza' zikloaren barruan, Jabier Muguruzaren kontzertua: 'Taxirik ez'. Sarrera doan.
Jabier Muguruza (Irun) bost urterekin hasi zen musikaren munduan, akordeoia jotzen. Zazpi urte zituela, Europako haur mailako titulua irabazizuen, akordeoiaren atalean.
Hainbat urtez kontzertista jardun eta gero, akordeoilari aritu zen musika-proiektu batzuetan, Zarama, Imanol, Kortatu eta Antton Valverderekin, besteak beste.
Les Mecaniciens eta Joxe Ripiau taldeetako sortzailea eta kidea izan da.
1994. urtean lehen diskoa atera zuen, bakarlari gisara. Geroztik, toki askotara zabaldu da bere ibilbidea, Frantziara, Alemaniara, Erresuma Batura eta Brasilera, esaterako. Halaber, hiru alditan irabazi du Arteen eta Musikaren Akademiak euskarazko disko hoberenari ematen dion saria, 2002.,2006. eta 2008. urteetan.
Muguruzak estilo literario-musikal bere-berezkoa sortu du, non jazzaren ukituak eta berak garrantzi handikoak jotzen dituen poesia-testuak tartekatzen baititu. Hori dena luxuzko profesional-talde batek lagunduta. Taxirikez azken lanak areagotu egiten du aipatu estilo-joera.
FITXA ARTISTIKOA
Jabier Muguruza
AHOTSA ETA AKORDEOIA
Txema Garcés
BAXU ELEKTRIKOA
Angel Unzu
GITARRA AKUSTIKOA
Igor Telletxea
BATERIA ETA PERKUSIOAK
Mireia Otzerinjauregi
AHOTSA
Roberto Yaben
GITARRA ELEKTRIKOA
Mikel Azpiroz
PIANOA
