Albisteak

LANBIDE HEZIKETA EUSKARAZ 2017-2018

Euskaraz egingo den Lanbide Heziketa zikloen eskaintzari dagokionez, gradu ertainetan % 6 haziko da eskaintza; goi mailako graduetan, berriz, bikoiztu egingo da euskarazko eskaintza (% 7ra iritsiko da).

Eskaintza berriari dagokionez, Goi mailako zikloan euskaraz eskainiko dira “Turismo-ostatuen kudeaketa” (Elizondoko IIP) eta “Automozioa eta industria errobotika” (San Juan Donibane II).

Ziklo ertainetan, euskaraz eskainiko dira “Erizaintza-laguntzailea” (Elizondoko IIP), “Ekoizpen agro-ekologikoa” (CI-II Agroforestala) eta “Ibilgailu automobilen elektromekanika” (CIP Donapea IIP)

Horiei gehitu behar zaie orain arte euskaraz ematen direnak:

Goi mailako zikloan:

• “Administrazioa eta finantzak” (CIP Donapea IIP eta Elizondoko IIP)
• “Mekatronika industriala” (Berako Toki Ona BHI)
• “Haur hezkuntza” (Iruñeko Hezitzaile Eskola II)

Ziklo ertainetan:

• “Landa ingurunean gorputz eta kirol ekintzak gidatzea” (Lekarozko DBH)
• “Administrazio kudeaketa” (CIP Donapea IIP eta Elizondoko IIP)
• “Mekanizazioa” (Elizondoko IIP)
• “Mantentze-lan elektromagnetikoa” (Berako Toki Ona BHI)
• “Erizaintzako zainketa lagungarriak” (Iruñeko Osasun Eskola Tekniko Profesionala-ESTNA)